• 28.03.2024 02:56

САРИСА

Прв македонски конзервативен портал

Симон Трпчески ја доби наградата „Георги Божиков“ за изведба на македонско дело

Bysrs-editor

Oct 9, 2021

Македонскиот пијанист маестро Симон Трпчески ја доби наградата „Георги Божиков“, за изведба на едно дело од македонски композитори во 2020 година. Наградата ќе ја прими на 14 октомври, на свеченото затворање на 44. Денови на македонската музика.

Од македонскиот Сојуз на композитори СОКОМ, соопштија дека оваа награда се доделува на музички уметници и ансамбли за континуирано успешно изведување и промовирање на македонското музичко творештво.

Трпчески е актуелен со проектот инспириран од фолклорната музика „Македонисимо“, со кој настапува низ светот веќе неколку години. На 7 октомври ја отвори и новата концертна сезона на Филхармонијата.

За потсетување, на свеченото затворање на 44. Денови на македонска музика, ќе се одржи гала-концерт со солисти и оркестарот на НОБ под диригентство на Иван Еминовиќ.